bichhden to shahar bhar mein kisi ko pata na ho
tum ko bhi kuchh malal hamein bhi gila na ho

majlis ki khwab-gah jahan bhi nazar mili
un ko yahi tha khauf koi dekhta na ho

jin hadson ki aag se daman-e-dil jala
mumkin nahin charagh-e-sukhan bhi jala na ho

meri ghazal mein jaisa tarannum hai soz hai
akasr hua guman ki usi ki sada na ho

un se alag hua to yahi fikr hai 'naim'
un ka tapak-o-mehr kahin waqia na ho