bijliyon ko pala hai main ne ek zamane se raushni nikalti hai mere aashiyane se jaanta hun us ko main hai wo maslahat-andesh hath to mila lega dil raha milane se kis qadar ye behtar hai qaul ahl-e-danish ka jurm aur badhte hain jurm ke chhupane se ye hadis bhi dekho haq hai har zamane mein umr ghatti jati hai jhuti qasmen khane se kitni hi bulandi par baith jaen gidh sare aaali ho nahin jate unchi kursi pane se zehn-e-ahl-e-danish mein pai hai jagah 'mukhlis' har adab ki mahfil mein sirf aane-jaane se