bina dekhe sunahre khwab ka naqsha bana dala tasawwur aashiqi ka aap ne achchha bana dala ghazab ka khel dikhlaya hai jadugar bahaaron ne chhupa kar saya-e-gul mein mujhe kanta bana dala main ab apne tasawwur mein hamesha qais rahta hun ye kis laila ne mere zehn ko sahra bana dala khurach kar zard talwon se bahut lambi masafat ko bila unwan ise chhota sa ek qissa bana dala kahan ab khun rulwate hain us ke gham mujhe 'rizwan' usi ki be-niyazi ne to be-parwa bana dala