bujhi bujhi c tabiat ye rang lai hai
ki aaj chaaron taraf meri jag-hansai hai

nasim-e-subh bata tu zara khuda ke liye
ye kis ke waste aakhir bahaar aai hai

khuda hi jaane wo aaenge ya na aaenge
salam bhej ke taqdir aazmai hai

tajalli-e-rukh-e-zeba se hun agar mahrum
meri khata nahin qismat ki na-rasai hai

jahan ka gham to nahin hai magar mujhe 'khalid'
khuda ka khauf bhi hai aur gham-e-khudai hai