buton ko dekhte hi aa gaya dil
na socha ibtida mein intiha dil

hasino hai abhi nadan mera dil
samajhta kuchh nahin achchha-bura dil

mere bas mein agar hota mera dil
na hota yun buton ka mubtala dil

ye hasrat hai gala ho zer-e-khanjar
kisi se kar raha ho samna dil

buton ko dekh kar ho jae mail
diya tha kyon mujhe aisa khuda dil

sar-e-mahfil kisi se lad gai aankh
kisi se kar raha hai samna dil

wo shikwa kar ke yun kahte hain 'sayyaf'
kisi se aur hai tera laga dil