buton se hum ne ja ke iltija ki
baghawat ye khuda se barmala ki

fana jab ho chuki kashti hamari
to phir aawaz aai nakhuda ki

jhuka di ye jabin har naqsh-e-pa par
ilahi khair mere dast-o-pa ki

ajab hai mere qatil ka rawayya
idhar to khun kiya aur phir dua ki

raham khao mere haal-e-zabun par
qasam han han qasam tujh ko khuda ki

mubarak sad-mubarak jo tujhe 'prem'
jafa ne shan rakh li hai wafa ki