chaarasazon ki aziyyat nahin dekhi jati tere bimar ki haalat nahin dekhi jati dene wale ki mashiyyat pe hai sab kuchh mauquf mangne wale ki hajat nahin dekhi jati din bahal jata hai lekin tere diwanon ki sham hoti hai to wahshat nahin dekhi jati tamkanat se tujhe rukhsat to kiya hai lekin hum se in aankhon ki hasrat nahin dekhi jati kaun utra hai ye aafaq ki pahnai mein aaina-khane ki hairat nahin dekhi jati