chaman mein jab bhi tera tazkira nikalta hai
har ek phul naya pairahan badalta hai

na jaane yaad teri hai ki tere hijr ka gham
har ek raat mere dil ko jo masalta hai

ajib chiz hai jaanan tera na hona bhi
har ek zakhm se mere lahu ubalta hai

gham-e-hayat se milta hai dil ko lutf naya
ki ye shajar to khizan mein bhi khub phalta hai

fasana khatm ko pahuncha nahin abhi 'sahil'
sada ye aai ki khurshid-e-umr dhalta hai