chand tare phul khushbu sab hata do
us ke jaisa dusra hai to bata do

us key ek taswir hai main ne banai
mera ye dil khol ke us ko dikha do

aandhi se kah do zara dhire chale ab
ghar abhi kuchh dur hai us ko bata do

dur se mat dekhna tum ye tamasha
aag jo dekho kahin bhi to bujha do

main karunga har dua us ke liye hi
tum mujhe zahrab ye chahe pila do

main ne us ko jo likhe the barha sab
raaz rahne do wo sare khat jala do

us ko to nafrat hai phulon key mahak se
meri mayyat par jo bikhre hain hata do

zindagi bhar qarz ye mujh par rahega
meri khak us ke mohalle mein uda do