charagh jal to rahe hain magar andhera hai
na jaane shahar mein kya aur hone wala hai

andhera ghar sahi lekin bahut ujala hai
na jaane aaj yahan kaun aane wala hai

ye shakhs dekhne mein ajnabi nahin lagta
na jaane kaun si basti ka rahne wala hai

na guftugu mein tasalli na khamushi mein sada
suluk-e-dost ka andaz hi nirala hai

wo jis ke waste sadiyan guzar din hum ne
wo ek lamha bahar-haal aane wala hai

wo be-niyaz sahi phir bhi us se kah do 'naz'
ye dil ka rishta hai kab tut jaane wala hai