chehre pe jo raunaq hai wo andar to nahin hai jo yar ka dil moh le wo jauhar to nahin hai sad-shukr qanaat ki mujhe mil gai daulat nadar hun rahzan ka mujhe dar to nahin hai sakin hun jahan shakk-o-hasad bughz-o-tanafur rahne ko makan hai wo magar ghar to nahin hai dastak diye jata hai koi ajnabi hoga maujud ho jo dil mein wo bahar to nahin hai us ka wahi jalwa hai wahi jalwagari hai han mujh ko hi tab-e-rukh-e-anwar to nahin hai kyon karta hai wo hashr bapa ishq pe us se mashuq hai wo dawar-e-mahshar to nahin hai