chehron ki dhup aankhon ki gahrai le gaya
aaina sare shahr ki binai le gaya

dube hue jahaz pe kya tabsira karen
ye hadisa to soch ki gahrai le gaya

haalanki be-zaban tha lekin ajib tha
jo shakhs mujh se chhin ke goyai le gaya

main aaj apne ghar se nikalne na paunga
bas ek qamis thi jo mera bhai le gaya

'ghaalib' tumhaare waste ab kuchh nahin raha
galiyon ke sare sang to saudai le gaya