chhed den gar qissa-e-gham sham se
ki rahenge subh tak aaram se

chahiye hum ko ki bedari rahe
aashna hun hashr se anjam se

jo bulata tha wo shakhs ab ja chuka
kaam apna dekhiye aaram se

pa gae hum be-gunahi ki saza
bach gae sau bar ke ilzam se

kat rahi hai zindagi ab dasht mein
hum ko kya matlab raha hukkaam se

kya khabar tujh ko ki kitna roe hum
chhut kar sayyaad tere dam se

bazm mein 'farhat' bade nashad the
munh pe raunaq aa gai ek nam se