chilman wo aasman ki takna wo baam se
khemon se munh nikala sitaron ne sham se

matlab hai sari duniya ko apne hi kaam se
aata hai mujh ko chain tumhaare hi nam se

dil ne tumhaare husn ki dekhi hai ek jhalak
phisla tabhi to jata hai apne maqam se

jab se nigah-e-yar ne chira hai mera dil
hatta nahin hai munh mera saqi ke jam se

ek din wo aa ke puchh le kaisa hai dil gharib
ek din wo tegh khinche chale apne nyam se