chori chori aankh ladte mein dikha dun to sahi
khans kar khankhaar kar us ko jata dun to sahi

mil to dekhe ghair se kis tarah milta hai wo shokh
wo jo naqsha us ne bandha hai mita dun to sahi

jal-bujhe sine mein dil lekin na nikle munh se aah
dar muqaffal kar ke main ghar ko jala dun to sahi

ishq kahta hai ki sar-rishta dil ka mere hath
jun patang ek din kata kar main luta dun to sahi

sath le kar yar ghairon ko idhar aata to hai
ai 'nisar' us se ye rasta main chhuda dun to sahi