chup hain paon to rahguzar khamosh
waqt ki hir ka safar khamosh

hijr ki bad-nasib galiyon mein
chand phirta hai raat bhar khamosh

kaun nikla hai khana-e-dil se
kuchh dinon se hain baam-o-dar khamosh

koi hangama bolta hi nahin
sham ke lab pe chup sahar khamosh

yaad ke pur-malal mausam mein
phul khushbu hawa shajar khamosh

ek khidki se ajnabi aankhen
guftugu karti hain magar khamosh

kyon 'shabana' muhajiron ki tarah
phir rahi ho nagar nagar khamosh