dagh-e-dil dagh-e-jigar sham-e-farozan ho gaya
un ke aate hi mere dil mein charaghan ho gaya

ai khayal-e-yar tu dil mein jo mehman ho gaya
phir dil-e-viran mera rashk-e-gulistan ho gaya

thi mere dil ki umangon hi se duniya ki bahaar
dil pareshan kya hua aalam pareshan ho gaya

dekh sab zakhm-e-jigar ab ban gae gulha-e-tar
aa ki ye ujda kharaba bhi gulistan ho gaya

yas-o-naumidi ki chhai jab mere dil ki ghata
matla-e-ummid ko suraj numayan ho gaya

dam mohabbat ka bhara karta tha jo dil wasl mein
ab wo sham-e-hijr aate hi pasheman ho gaya