daman-e-zist ko ashkon se bhigo lete hain
jin ko hansna nahin aata hai wo ro lete hain

har khushi gham ke andheron mein samo lete hain
dafatan hum jo teri yaad mein ro lete hain

hum wo wahshi hain ki jab nind hamein aati hai
tauq-o-zanjir ke pahlu mein bhi so lete hain

ab ye aalam hai ki jab yaad teri aati hai
ek zara der ko maghmum se ho lete hain

tum bhi guzre hue haalat ka matam kar lo
hum bhi apne dil-e-marhum ko ro lete hain