dard aur gham ke mare nikle raat safar sahra aur main
ek hi jang ke haare nikle raat safar sahra aur main

dukh ki chadar tan ke hum ne hijr ki raat guzari thi
aansu jugnu tare nikle raat safar sahra aur main

gharq hue phir mauj-e-fana mein ek ek kar ke sab ke sab
dekho fani sare nikle raat safar sahra aur main

hum ne jis ki buniyaadon mein sans ka sisa dala tha
mitti ret aur gare nikle raat safar sahra aur main

main ne socha tha ki ye 'amabar' qismat meri badal denge
mujh se bichhad ke ye sare nikle raat safar sahra aur main