dard ghatta bhi nahin hai ki fana ho jae aur badhta bhi nahin hai ki dawa ho jae hai mujhe ilm ki ye khwab hai par khwab mein hi mere allah use mujh se wafa ho jae us ka ehsan hi itna hai meri sanson par ghair-mumkin hai ki sanson se ada ho jae wo kisi roz kare tark-e-talluq khud se aur usi din se mera sirf mera ho jae lakh achchha ho to mera jo nahin khak achchha is se achchha hai ki tu sach mein bura ho jae waqt ko kar de qalam khud ko syahi kar de tera socha hua qismat ka likha ho jae mujh ko malum hai wo shakhs mera hai lekin hai ye lazim ki ab us ko bhi pata ho jae