dard ka aur mere dil mein siwa ho jaana
us ka sine se mere lag ke juda ho jaana

ishrat-o-naz ki kasrat mein fana ho jaana
dard ka had se guzarna hai dawa ho jaana

mere jine se agar koi khafa hota hai
mujh ko lazim hai mohabbat mein fana ho jaana

ye bhi mumkin hai main jine se khafa ho jaun
hai buri baat tera mujh se khafa ho jaana

meri taqdir mein likkha tha yahi ai 'iqbaal'
apni nakaam mohabbat mein fana ho jaana