dard se yar chikh utthe hain sar-e-bazar chikh utthe hain tu kahani mein kyon hua shamil sare kirdar chikh utthe hain jin ke munh mein zaban thi hi nahin wo bhi is bar chikh utthe hain khud hi aa aur aa ke dekh zara tere shahkar chikh utthe hain teri taswir kya lagi ghar mein dar-o-diwar chikh utthe hain tera sattar wird karte hue dil ke sab tar chikh uthe hain aisi aandhi chali hai nafrat ki gul-o-gulzar chikh uthe hain zindagi ka yahi watira hai aap be-kar chikh uthe hain aatish-e-fikr tujh mein jalte hue ab chaman-zar chikh uthe hain jin ko nafrat sada jahan se mili jab mila pyar chikh uthe hain chup hain mazlum zakhm kha kar bhi tir-o-talwar chikh uthe hain zabt karte rahe hain muddat tak aakhir-e-kar chikh uthe hain mere daman mein aae jab 'tariq' phul aur khar chikh uthe hain