dariya hai pure josh mein hum bhi hain taw mein aata hai kaun dekhiye kis ke bahaw mein we shakhs bhi zarur yahin aas-pas hai itni tapish kahan thi wagarna alaw mein wo mauj-e-iztirab bhi kuchh kar nahin saki main le ke aa gaya hun samundar bhi naw mein kis ko hai chhodna mujhe rakhna hai kis ko sath ye faisla karunga main agle padaw mein 'sharjil' hum ko farq ziyaada nahin laga duniya ki chot aur mohabbat ke ghaw mein