dast-e-saqi mein chhalakta jam hai
pine wala larza-bar-andam hai

kyon rukh-e-anwar hai zulfon mein nihan
meri nazron mein sahar bhi sham hai

apne andaz-e-karam ko dekhiye
meri tauba par abas ilzam hai

chalte chalte jis jagah thahre qadam
meri manzil bas isi ka nam hai

hai koi mahrum koi shad-kaam
kya teri bakhshish isi ka nam hai

un ka wada aur ifa ki ummid
ye tera 'shaeq' khayal-e-kham hai