dastan jo bahut purani hai
wo kisi ko nahin sunani hai

maut se koi bach nahin sakta
maut to har kisi ko aani hai

ek diya phir hawa mein rakh ke aaj
apni taqdir aazmani hai

bahar aana hai dub kar mujh ko
sar se uncha agarche pani hai

jis ko dekha tha main ne maqtal mein
shakl anjaani bhi hai jaani hai

dil hai ashaar par fida tere
teri ghazlon mein kya rawani hai

baat manunga ye kaha tha kal
tum ne 'ahmad' magar na mani hai