dayar-e-dil na raha bazm-e-dostan na rahi
aman ki koi jagah zer-e-asman na rahi

rawan hain aaj bhi rag rag mein khun ki maujen
magar wo ek khalish wo mata-e-jaan na rahi

laden ghamon ke andheron se kis ki khatir hum
koi kiran bhi to is dil mein zau-fishan na rahi

main us ko dekh ke aankhon ka nur kho baitha
ye zindagi meri aankhon se kyun nihan na rahi

zaban mili bhi to kis waqt be-zabanon ko
sunane ke liye jab koi dastan na rahi