dekha to tha yunhi kisi ghaflat-shiar ne
diwana kar diya dil-e-be-ikhtiyar ne

ai aarzu ke dhundle kharabo jawab do
phir kis ki yaad aai thi mujh ko pukarne

tujh ko khabar nahin magar ek sada-lauh ko
barbaad kar diya tere do din ke pyar ne

main aur tum se tark-e-mohabbat ki aarzu
diwana kar diya hai gham-e-rozgar ne

ab ai dil-e-tabah tera kya khayal hai
hum to chale the kakul-e-giti sanwarne