dekhta hun tujh ko aksar ai samundar ai samundar jaise ho tu mere andar ai samundar ai samundar tere tufanon ne ki yalghaar chattanon pe shab bhar shor tha baam-e-falak par ai samundar ai samundar dhundhti hai aankh sath-e-ab par chehra kisi ka tu bana de us ka paikar ai samundar ai samundar be-karani mein tu apni meri virani samo le main hua hun phir se be-ghar ai samundar ai samundar tirgi ki phailti chadar hai hum donon hi chup kyon gunj uth manzar-ba-manzar ai samundar ai samundar dekhne aaya hai tujh mein dur se chal kar 'owaisi' dubte suraj ka manzar ai samundar ai samundar