dekhun to sara jism sunahra dikhai de
sochun to qabr jaisa andhera dikhai de

is shahr-e-khud-kalam ne gunga sa kar diya
har shakhs apne aap mein uljha dikhai de

ab aakhiri padaw pe hai ye azab-rut
wo dhup hai ki saya bhi jalta dikhai de

ab ke ufuq pe khushbu ghataen uthi to hain
shayad ki har shajar gul-e-naghma dikhai de

kya karte aisi dida-wari ke liye hum 'zamir'
har aankhon-dekha sach jise jhuta dikhai de