dhire dhire qabr ke andar talak pahunchaegi
ek din mujh ko meri ye hasraten kha jaengi

bol collar chhod den mere charaghon ki ai raat
warna jo pagal hawaen hain teri pachhtaengi

aao apne masalon ko khud hi suljhate hain hum
ye siyasi partiyan aur hamein uljhaengi

betiyon ko sans lene do khule mahaul mein
warna ye bechaariyan ghut ghut ke hi mar jaengi

zindagani se hain jo shikwe gile mit jaenge
rahmaten allah ki jab nur se nahlaengi

apni khuddari ko bhi nilam main ne kar diya
mujh se ye majburiyan ab aur kya karwaengi