dil agar kuchh mang lene ki ijazat mangta

dil agar kuchh mang lene ki ijazat mangta
ye mohabbat-zad tajdid-e-mohabbat mangta
waqt khud na-paedari ke liye mashhur hai
aise be-taufiq se main khak shohrat mangta
main ne sahra se tahayyur-khez hairat mang li
khak ho jata agar tahzib-e-wahshat mangta
dil ko khush aai nahin ye daulat-e-asudgi
aur kuchh mil jati to ye kuchh aur zahmat mangta
hain khudawandan-e-duniya hum tahi-daston se hech
dil ko hasrat thi to hum jaison se khilat mangta
ho gaya hota giran-goshon se gar maghlub main
kyun sukhan aaghaz karta kyun samaat mangta
kya tajjub tha ki is sauda-gari ke daur mein
khwab bhi tabir ho jaane ki qimat mangta
This is a great ishq ke khilaf shayari. True lovers of saadgi shayari will love this. Please share if you liked this!!!