dil hi nahin to dil ke sahaaron ko kya karun
jab pas tum nahin to bahaaron ko kya karun

jalwon se jis ke chand sitaron mein thi ziya
ab wo hasin nahin to sitaron ko kya karun

taswir aur tasawwur-e-jaanan ye sab fareb
main un se dur un ke nazaron ko kya karun

go jannat-e-nigah hon firdaus-e-rang hon
guzri hui hasin bahaaron ko kya karun

khwabon se 'nur' chhin liya hai khayal-e-yar
tere baghair tere ishaaron ko kya karun