dil ho gaya hai gham se tere daghdar khub
phula hai kya hi josh se ye lala-zar khub

kab tak rahun hijab mein mahrum wasl se
ji mein hai kije pyar se bos-o-kanar khub

saqi laga ke barf mein mai ki surahi la
aankhon mein chha raha hai nashe ka khumar khub

aaya na ek din bhi tu wada pe raat ko
achchha kiya suluk taghaful-shiar khub

aisi hawa bandhi rahe 'chanda' ki ya ali
ba-sad-bahaar dekhe jahan ki bahaar khub