dil ko aae ki nigahon ko yaqin aa jae kisi unwan to koi mere qarin aa jae bikhre rahne do sar-e-rah nishan-e-kaf-e-pa jaane kis dam koi aawara-jabin aa jae sunte jao mera be-rabt fasana shayad inhi baaton mein koi baat hasin aa jae aur phir is ke siwa sehr-e-mohabbat kya hai? yak-ba-yak jaise koi dil ke qarin aa jae jam kya chiz hai mai-khana udao yaro! jaane kis dam lab-e-saqi pe nahin aa jae wo teri yaad ka partaw ho ki ho saya-e-zulf chain aa jae tabiat ko kahin aa jae