dil mein ek halchal machi hai aaj-kal be-khudi hi be-khudi hai aaj-kal aankhen jaise jam hon chhalke hue mang taron se saji hai aaj-kal fikr-e-mustaqbil na hai mazi ka gham haal mein gum zindagi hai aaj-kal chaar jaanib rang khushbu shaeri aap se wabastagi hai aaj-kal tod kar tare falak se lae kaun chand se mahfil saji hai aaj-kal raat kuchh jugnu chura kar lai thi subh se jaan par bani hai aaj-kal