dil mera be-qarar rahta hai
ek tera intizar rahta hai

ek musafir ke panw mein chhaale
aur rasta ghubar rahta hai

wo sataya hua mohabbat ka
har jagah darkinar rahta hai

ghar mein ladki jawan hui hai kya
fikr ab be-shumar rahta hai

mere sapne mein aata hai aksar
wo jo nadiya ke par rahta hai

wo kata sa raha zamane se
us ke dil mein ghubar rahta hai

jo muhajir kata kata sa tha
ghar mein wo tar tar rahta hai