duniya ka zarra zarra miyan ishq ishq hai
adna ho ya ho aala yahan ishq ishq hai

jis roz hum ne khwab mein dekha tha aap ko
us roz se hamara makan ishq ishq hai

duniya isi liye to samajh hi nahin saki
yaro hamare dil ki zaban ishq ishq hai

aansu jo teri yaad mein tapka tha ek shab
rukhsar par jo hai ye nishan ishq ishq hai

'salman' kaise likkhega us ke jamal ko
inkar se bhi jis ke ayan ishq ishq hai