din ka sukun raat ki auqat le gai
wo ghar se kya gai ki khushi sath le gai

kuchh abr ka mizaj hi barham tha khet se
rut apne sath ganw ki barsat le gai

chidiyon ko bhi darakht pe rukna nahin pasand
pipal ki dhup chhanw ki baraat le gai

kamre mein meri mez pe rakkhe the kuchh khutut
un ko hawa-e-sham thi bad-zat le gai

dil ki azan pe raat hua waqia 'shakil'
meri namaz sab ki munajat le gai