diye jala ke hawaon ke munh pe mar aaya

diye jala ke hawaon ke munh pe mar aaya
koi to hai jo andheron ka qarz utar aaya

khuda se jab bhi kadi dhup ki shikayat ki
to meri rah mein ek ped saya-dar aaya

kahan hui kabhi us se hamari did-o-shunid
hawa ke rath pe hamesha hi wo sawar aaya

sukun bantti phirti hun main zamane mein
na jaane kyun mere hisse mein intishaar aaya

hazar bar mera dard muskuraega
hazar bar agar mausam-e-bahaar aaya

sabab main dhund rahi thi meri udasi ka
tera khayal mujhe aaj bar bar aaya

kiya hai us ne hi ghaarat mera sukun magar
usi ke nam pe 'rakhshan' mujhe qarar aaya


Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close