doston ko meri zarurat hai
qadr-dani nahin ye qimat hai

aadmi bar-e-adamiyat hai
hadse ki ashad zarurat hai

un ke lab hain meri shikayat hai
kitna badla hai waqt-e-hairat hai

do dilon ke milap ki khwahish
pahle khwahish thi ab nadamat hai

main jahan hun kafil hun apna
tum jahan ho meri zarurat hai

aadamiyat ka irtiqa main hun
aadmi se mujhe mohabbat hai

aao ek dusre ko pyar karen
pyar karna badi ibaadat hai