dua mein zikr kyun ho muddaa ka

dua mein zikr kyun ho muddaa ka
ki ye shewa nahin ahl-e-raza ka

talab meri bahut kuchh hai magar kya
karam tera hai ek dariya ata ka

kahan tak naz uthae aakhir ai husn
hawas tere mizaj-e-khud sata ka

nahin malum kya ai shah-e-khuban
tujhe kuchh haal apne mubtila ka

baja-e-ism-e-azam aap ka nam
wazifa hai mera subh o masa ka

ghazab ka samna hai aashiqon ko
dayar-e-haq mein afwaj-e-bala ka

nisar un par hue achchhe rahe hum
taqaza tha yahi khu-e-wafa ka

gunahgaro chalo afw-e-ilahi
bahut mushtaq hai arz-e-khata ka

teri mahfil mein ahl-e-dil ko jalwa
nazar aa jaega shan-e-khuda ka

uthaya hai maza dil ne bahut kuchh
mohabbat ke gham-e-rahat-faza ka

jafa ko bhi wafa samjho ki 'hasrat'
tumhein haq un se kya chun-o-chara ka


This is a great ali ki shan shayari. True lovers of azam jafri shayari will love this. Shayari is the most beautiful way to express yourself and this bhaichara shayari is truly a work of art. Please share if you liked this!!!