duniya hai khaksar mere sath-sath chal ye bar-e-gham utar mere sath-sath chal kuchh pal ki kashmakash hai sar-e-rah sabr rakh chhat jaega ghubar mere sath-sath chal phir ye na ho ki ba'd mein afsos ho tujhe ab kar na intizar mere sath-sath chal har samt tirgi hai ye sunsan rahguzar hai ajnabi dayar mere sath-sath chal main teri ham-safar hun koi rahnuma nahin kar mujh pe e'tibar mere sath sath chal