duniya ko walwala dil-e-nashad se hua
ye tul us khilasa-e-ijad se hua

fasl-e-junun mein sina-o-nakhun ko mere dekh
kya be-sutun pe tesha-farhad se hua

rahmat ne badh ke sard jahannam ko kar diya
kaisa qusur ye dil-e-nashad se hua

khush hun main waqt-e-naza khusha lazzat-e-faragh
jo kuchh hua wo aap ke irshad se hua

ye hai haqiqat-e-adam-o-alam-e-wajud
wo khamushi se ye meri fariyaad se hua

na-waqif-e-rusum mohabbat hai koi chiz
insan 'aziz' shewa-e-faryaad se hua