ek aise chaara-gar se bhi rishta raha mera jitna tha zakhm utna hi gahra raha mera main kya akela chhanta teri gali ki khak wo dard tha jo hath batata raha mera wo ped kat ke ek imarat mein lag gaya sae mein jis ke karwan thahra raha mera ab ke hawaen ghar se mere chhat bhi le gain mausam naya mazaq udata raha mera 'kashif' kal ek lash sar-e-rah dekh kar mujh se zamir aankh churaata raha mera