ek bas tu hi nahin mujh se khafa ho baitha
main ne jo sang tarasha tha khuda ho baitha

uth ke manzil hi agar aae to shayad kuchh ho
shauq-e-manzil to mera aabla-pa ho baitha

maslahat chhin li hai quwwat-e-guftar magar
kuchh na kahna hi mera meri khata ho baitha

shukriya ai mere qatil ai masiha mere
zahr jo tu ne diya tha wo dawa ho baitha

jaan-e-shahzad ko min-jumla-e-ada pa kar
huk wo utthi ki ji tan se juda ho baitha