ek bhuk ubhri pairahan-e-zar-nigar se
bad-surati jhalakne lagi ishtihaar se

tishna-labi ko ped ke sae se kya gharaz
nam phutta hai rah se ya regzar se

mumkin hai ab zamin ualtni pade mujhe
kuchh farq padne wala nahin jab pukar se

yani tera badan hai banawat mein kuchh ajib
yani tujhe gurez hai mitti ke bar se

aawaz ho chuka hai magar bolta nahin
is lab ko kuchh kalam nahin ikhtiyar se