ek shahr-e-arzu hai aur hum hain dosto
phir gham ki justuju hai aur hum hain dosto

mujrim khade hue hain ek bargah mein
wo shakhs ru-ba-ru hai aur hum hain dosto

kanton se ru-shanas hain phulon se bahra-war
duniya-e-rang-o-bu hai aur hum hain dosto

hum jis mein ji rahe hain us mai-kade ki khair
tute hue subu hain aur hum hain dosto

duniya se be-khabar hain kis anjuman mein gum
campus hai aab-e-ju hai aur hum hain dosto