ek shajar hai la-fana jis ki jaden hain sanglakh
jad hai upar aur hai niche ki jaanib jis ki shakh

barg jis ke did hain mahram hai jis ka did-dan
hai sifat jis ka tana jis se hari hai shakh shakh

jis ki shakhon ke shagufe hiss-o-mahsusat hain
bekh-e-awezan ka hai dam-e-amal daman farakh

jo shajar hai la-makani ghair mutshakkil qadim
qata karna lazmi hai jis ki bekh-e-sanglakh

tegh se tajrid ke le kaam ho farigh-nashin
asl mein ho wasl hain sab far-e-ghuncha barg-o-shakh

farz hai ye kar ada-e-farz be-bim-o-raja
dekh 'sahir' sar-zamin-e-ishq hai kya sanglakh