falak se chandni phir jhankti hai
zamin par tirgi jab nachti hai

sitara jab bhi tuta aasman se
wahi khwahish dobara jagti hai

bana leti hai zanjiron se pael
mohabbat raqs karna jaanti hai

pata hai ki wahan pani nahin hai
magar ummid sahra chhanti hai

qaza puri ho karni phir kisi ki
zamin mehwar pe aise bhagti hai

mein raaz-e-zindagi kyunkar bataun
kahan ye nasl kahna manti hai