fasil-e-shahr se kyun sab ke sab nikal aae
hamein khabar na hui jaane kab nikal aae

qadam qadam pe yahan qahqahe bichhe hue hain
ye kaise shahr mein hum be-sabab nikal aae

wo raushni mein nahaya hua tasawwur tha
andhera badhta gaya dast-e-shab nikal aae

ab is se pahle ki ruswai apne ghar aati
tumhaare shahr se hum ba-adab nikal aae

phir ek lamhe ko thahra nahin gaya hum se
hamare dil ne kaha ab, to ab nikal aae